Пятница 24 ноября 2017 / 11 ноября 2017

Седмица 25-я по Пятидесятнице. Глас седьмый.
Пост. Пища с растительным маслом

Вмч. Мины (304).
Мч. Виктора и мц. Стефаниды (II).
Мч. Викентия (304).
Прп. Феодора Студита, исп. (826).
Блж. Максима, Христа ради юродивого, Московского чудотворца (1434).
Сщмч. Евгения пресвитера (1937).
Прп. Мартирия Зеленецкого (1603).
Мч. Стефана-Уроша III Дечанского (ок. 1336) (Серб.).
Свт. Мартина Милостивого, еп. Турского.
Явление Иверской-Мироточивой иконы Божией Матери в Монреале.
Св. Милицы, царицы Сербской (Серб.).
Блж. Евфимия Дечанского (Серб.).
Блж. Нестора и св. Урошицы Сербской (Серб.).
Мчч. Зеленецкого м-ря: игумена Виктора с братией (1927).
Мч. Дракона Арауракского, Армянского (IV).
Св. Никодима Младшего Беройского, Македонского (1305).
Собор Дечанских святых.
Св. Варфоломея Младшего Калабрийского (1054).

Чтения дня

2 Солунянам 3:6-18
Луки 13:31-35

Тропари

Тропарь святаго Мины, глас 4.
Я́ко Безпло́тным собесе́дника/ и страстоте́рпцем единовсе́льника,/ соше́дшеся ве́рою, Ми́но, восхваля́ем тя,/ ми́ра ми́рови испроси́/ и душа́м на́шим ве́лия ми́лости.

Кондак, глас 4.
Во́инства исхити́ привре́меннаго/ и нетле́ннаго показа́ тя Небе́снаго о́бщника,/ страстоте́рпче Ми́но, Христо́с, Бог наш,/ И́же му́чеников нетле́нный вене́ц.

Тропарь преподобнаго Феодора, глас 8.
Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ мона́шествующих Богодухнове́нное удобре́ние,/ Фео́доре прему́дре,/ уче́ньми тво́ими вся просвети́л еси́,/ цевни́це духо́вная,/ моли́ Христа́ Бо́га спасти́ся душа́м на́шим.

Кондак преподобнаго, глас 2.
По́стническое и равноа́нгельное житие́ твое́/ страда́льческими уясни́л еси́ по́двиги/ и Áнгелом совсе́льник, Богоблаже́нне, яви́лся еси́, Фео́доре./ С ни́ми Христу́ Бо́гу моля́ся/ не преста́й о всех нас.

Ин кондак мучеников Виктора, Стефаниды и Викентия, глас 4.
И́же сла́ве, Го́споди и всех Соде́телю,/ Ты в ми́ре яви́л еси́ украше́нных доброде́тельми страстоте́рпцы и му́ченики,/ да и́мут непобеди́мую побе́ду.

Блж. Максима. Тропарь, глас 5.
Нагото́ю теле́сною и терпе́нием/ обнажи́л еси́ вра́жия кова́рствия,/ облича́я неподо́бное его́ дея́ние,/ зе́льне стражда́ со́лнечный вар/ и ну́ждныя вели́кия сту́дени,/ мра́за и огня́ не чул еси́,/ Бо́жиею по́мощию покрыва́емь,/ Макси́ме прему́дре,/ о ве́рою творя́щих па́мять твою́ че́стно/ и усе́рдно притека́ющих к моще́м твои́м/ моли́ изба́витися от бед/ и паде́ния избежа́ти.

Кондак, глас 2.
Вы́шния красоты́ жела́я,/ ни́жния сла́дости и теле́сная одея́ния в ничто́же вмени́л еси́/ и нестяжа́ние па́че су́етнаго ми́ра возлюби́л еси́./ Áнгельское житие́ проходя́,/ сконча́лся еси́, блаже́нне Макси́ме:/ с ни́миже Христа́ моли́ непреста́нно о всех нас.

Прп. Мартирия Зеленецкого. Тропарь, глас 2.
От ю́ности, Богоблаже́нне, Христа́ возлюби́в,/ оте́чество оста́вил еси́/ и, всех мирски́х мяте́жей уклони́вся,/ в ти́хое приста́нище пречестны́я оби́тели Богома́терни дости́гл еси́;/ отню́дуже уве́дев непрохо́дную пусты́ню,/ крестови́дною заре́ю пока́занную,/ жела́тельне ю́ обре́л еси́,/ и, в ней всели́вся,/ и́ночествующих собра́л еси́,/ и сих уче́ньми свои́ми, я́ко ле́ствицею восхо́дною на Не́бо,/ трудолю́бне тща́лся еси́ возводи́ти к Бо́гу,/ Ему́же моли́ся, Богому́дре Марти́рие,/ дарова́ти душа́м на́шим ве́лию ми́лость.

Кондак, глас 8.
Оте́чества, преподо́бне, и всего́ мирска́го мяте́жа/ уклони́тися возжеле́л еси́,/ и, в пусты́ню всели́вся,/ та́мо во блаже́ннем безмо́лвии жесто́кое житие́ показа́л еси́,/ и ча́да послуша́ния и смире́ния в нем возрасти́л еси́./ Сего́ ра́ди, дерзнове́ние стяжа́в ко Святе́й Тро́ице,/ е́же моли́тися, Богоблаже́нне, о нас, ча́дех свои́х, и́хже собра́л еси́,/ и о всех правове́рных, да зове́м ти:/ ра́дуйся, о́тче Марти́рие,/ безмо́лвия пусты́ннаго люби́телю.

Мч. Стефана-Уроша III. Тропарь, глас 4.
В терпе́нии добрострада́льных по́двиг твои́х/ многообра́зныя ра́ны претерпе́л еси́,/ и по кончи́не свое́й/ вене́ц от Бо́га с му́ченическими ли́ки восприе́млеши,/ и в земли́ кро́тких досто́йно водворя́ешися, блаже́нне,/ о нас Христа́ Бо́га моли́/ дарова́ти душа́м на́шим ве́лию ми́лость.

Ин тропарь, глас 4.
Ца́рство, е́же на земли́ до́бре окормля́я, страда́льче,/ и, багряни́цу нося́, смире́нно стяжа́л еси́ мудрова́ние,/ ни́щих посеща́я и сим хлеб раздробля́я,/ тем Пребоже́ственная Тро́ица/ Ца́рствия ку́пно и му́ченичества венце́м увязе́ тя.

Кондак, глас 3.
В царе́х благоче́стно пожи́в/ и страда́ния путь проше́д, веледу́шне,/ и страда́льцем равноче́стен вене́чник яви́лся еси́,/ и це́рковь твоя́ прославля́ет тя сла́вно,/ святы́ми благоуха́нными мощми́ твои́ми освяща́ема,/ те́мже почита́ем и та́йно вопие́м ти:/ от бед изба́ви нас моли́твами твои́ми, свя́те.

Кондак, глас 4.
Друга́го Константи́на стяжа́ тя Це́рковь благоче́стием, блаже́нне,/ и кро́тостию, пра́вдою и ми́лостынями,/ но и великому́ченика и страда́льца и́стинна./ Те́мже и, тобо́ю кра́сящися, вопие́т:/ Стефа́н мне похвала́ и утвержде́ние.